Bakı-Qazax magistral yolunun Goranboy rayonu Borsunlu kəndi ərazisindən keçən hissəsində ağır yol-nəqliyyat hadisəsi baş verib.
Simsar.az APA-ya istinadən xəbər verir ki, Gəncə istiqamətində hərtəkətdə olan “Hyundai ix 35” markalı avtomobil eyni istiqamətdə hərəkət edən “VAZ 21011”-ə çırpılıb. İlkin məlumata görə, qəza nəticəsində “VAZ 21011”-də olan üç nəfər ölüb.
Qəza baş verən an əks hərəkət zolağında daha 3 maşın, “Mersedes”, “Opel”, “VAZ-2106” markalı avtomobillər toqquşub.
Ölən şəxslərin kimliyi müəyyənləşdirilir.
Faktla bağlı Baş Dövlət Yol Polisi idarəsində araşdırma aparılır.