Türkiyə Cəfəri İcmasının rəhbəri, ölkə şiələrinin lideri Şeyx Səlahəddin Özgündüz cərrahi əməliyyat olunub.
İcmadan Simsar.az-a verilən məlumata görə, Səlahəddin Özgündüz bir neçə gün əvvəl İstanbuldakı xəstəxanaların birinə yerləşdirilib. Dekabrın 2-də isə Şeyx “onurğa yırtığı” diqanozu ilə cərrahi əməliyyata alınıb. Əməliyyat uğurla keçib və hazırda S. Özgündüz müalicəsini xəstəxana şəraitində davam etdirir.
Yaxın iki gün ərzində Şeyxin evə buraxılacağı da bildirilib.
Xatırladaq ki, Şeyx Səlahəddin Özgündüz Azərbaycan kökənli türkdür və 1957-ci ildə Türkiyənin azərbaycanlıların sıx yaşadığı İqdır şəhərində dünyaya gəlib. O, 35 il əvvəl Türkiyədə Zeynebiye hərəkatının təşkilatçısı kimi də tanınır. Hazırda Türkiyənin və dünyanın nüfuzlu din xadimlərindəndir.
Ramil Məmmədli