Suriya prezidenti Bəşər Əsəd ABŞ-ın liderliyi ilə təşkil edilən koalisiyanın “İŞİD”ə qarşı hərbi müdaxiləsinin işə yaramadığını deyib.
Simsar.az xəbər verir ki, “Paris Match” jurnalına müsahibə verən Bəşər Əsəd koalisiyanın terrorla mübarizədə təsir gücünün olmadığını bildirib: “Terrorizmi hava hücumları ilə bitirə bilməzsiniz. Quruda olan, ərazini yaxşı bilən və reaksiya verməyi bacaran ordu vacibdir. Buna görə də koalisiyanın iki aydır davam etdirdiyi hava hücumları konkret nəticələr vermir”.
Dünən NATO-nun Brüsseldə yerləşən mərkəzində çıxış edən ABŞ dövlət katibi Con Kerri isə təşkilatı məğlub etmək üçün uzun illərin lazım olduğunu deyib.
Vüsal Qarayev