Yunanıstanın paytaxtı Afinada həbsxanada ali təhsil haqqı üçün aclıq aksiyası keçirən Nikos Romanosa dəstək məqsədilə təşkil edilən nümayişlərdə qan tökülüb.
Simsar.az xəbər verir ki, şəhərin mərkəzində yerləşən Monastiraki meydanında toplaşan və özlərini "hökumət əleyhdarı anarxistlər" adlandıran təxminən 5 min adam Eksarhia səmtinə doğru hərəkətlənib.
Təhlükəsizlik qüvvələri müdaxilə zamanı gözyaşardıcı qazlardan istifadə edib. Nümayişçilər molotov kokteyli ataraq nümayişi davam etdiriblər.
Eksarhia küçələrində polislə nümayişçilər arasında davam edən qarşıdurmada 1 nəfər nəzarətə götürülüb. 4 avtomobil, 1 avtobus və çox sayda ictimai iaşə obyektləri ciddi ziyan görüb.
Bu arada yunan mediasının verdiyi məlumata görə, hökumət Romanosun təhsil almasını təmin edən qanun layihəsi hazırlayır.
Xatırladaq ki, bank soyduğuna görə, 15 il həbs cəzasına məhkum edilən 20 yaşlı Nikos Romanos təhsil imtahanlarında yüksək nəticə göstərdikdən sonra təhsil almaq üçün noyabrın 10-da aclıq elan etmişdi.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
