“Komissiyaya deputatların intizam pozuntuları ilə bağlı hələlik heç bir müraciət daxil olmayıb”.
Bu barədə Simsar.az-a Milli Məclisin İntizam Komissiyasının üzvü, Böyük Qurtuluş Partiyasının (BQP) sədri Fazil Qəzənfəroğlu məlumat verib.
O bildirib ki, bu cür məsələlərlə bağlı müraciət daxil olan zaman dərhal baxılır: “Bu mənim şəxsi işim deyil. Ona görə də kimin özünü necə apardığını və davamiyyətinin necə olduğu ilə bağlı məsələlərlə xüsusi maraqlana bilmirəm. Bu, problemli məsələdir. İntizam komissiyası belə məsələlərə yalnız Milli Məclis rəhbəri tərəfindən müraciət olunan zaman baxır”.
Deputat onu da qeyd edib ki, təmsil etdiyi komissiyanın bir o qədər səlahiyyəti yoxdur: “İntizam Komissiyası davranışların qeyri-etik olduğunu müəyyən edə bilmir. Ancaq müraciət olunan zaman səsvermə yolu ilə qiymətlənirilməni həyata keçirə bilirik”.
Hüseyn İbadlı