Türkiyənin baş naziri Əhməd Davudoğlu ödənişli hərbi xidmətlə bağlı hökumətin son qərarını açıqlayıb.
Simsar.az xəbər verir ki, Əhməd Davudoğlu dövlətin ödənişli hərbi xidmətlə bağlı verdiyi qərarın detalları haqda danışarkən bildirib ki, yeni qərar 1 yanvar 2015-ci ildən qüvvəyə minəcək: “Yeni ildən etibarən 28 yaşına keçmiş, ya da 31 dekabr 2014-cü ildə 27 yaşını tamamlamış vətəndaşlara pullu əsgərlik imkanları verilir. Bu vətəndaşlar 18 min türk lirəsi (təxminn 9 min manat) ədəməklə hərbi xitmətini çəkmiş hesab ediləcək”.
Nazir əlavə edib ki, burdan dövlət büdcəsinə gələn pullar Müdafiə Sənayesi Fonduna köçürüləcək. Bu vəsait başqa hər hansı bir sahədə istifadə edilməyəcək.
Vüsal Qarayev