Adil Əliyev: “Vulkan püskürməsi baş vermiş ərazilərin ətrafında evlər tikilib. Bu yerlərdə evlərin tikilməsi çox təhlükəlidir”.
Bunu Simsar.az-a açıqlamasında AMEA Geologiya İnstitutunun əməkdaşı geologiya-mineralogiya elmləri doktoru, Azərbaycanın əməkdar elm хadimi Adil Əliyev deyib.
Onun sözlərinə görə, vulkanlar enerji toplayırlar, daha sonra onu çıxarmaq üçün arabir püskürürlər. “Vulkanın püskürəcəyini proqnozlaşdırmaq çətindir. Bunu qabaqcadan bilmək olur, amma vulkanın nə zaman, hansı ayda, necə püskürəcəyini demək çətindir. Hər il Azərbaycanda 3-5 vulkan püskürməsi baş verir. Bunlar hər il baş verir, vulkanlar çox olduğu üçün püskürmələrin də olması təbiidir. Hansısa vulkan zəlzələdən sonra püskürür, digəri isə başqa səbəbdən püskürür”.
A.Əliyev vulkan püskürməsi ehtimalı olan əraziyə yaxın yerlərdə fərdi evlərin tikilməsinə də münasibət bildirib.
O, deyib ki, vaxtilə vulkan püskürməsi baş vermiş ərazilərin ətrafında evlər tikilib. Bu olduqca təhlükəlidir. Abşeron yarımadasında vulkan püskürməsi ehtimalı olan ərazilərdə əvvəllər ev tikilib. “Hökməli vulkanının ətrafında, Qobu kəndinin yaxınlığında yerləşən Bozdağı vulkanı ətrafında krater sahəsinə yaxın yerdə yaşayış evləri salınıb. Tikinti işləri palçıq vulkanlarından 1,5 km uzaq məsafədə aparılmalıdır, çünki vulkan püskürməsi baş verəndə alov sütunu alınır, böyük hərarət yaranması nəticəsində çatlar əmələ gəlir. Bu isə insan həyatı üçün olduqca təhlükəlidir. Bələdiyyələr püskürmə təhlükəsi olan torpaqları qanunsuz yolla insanlara satmağa çalışsalar da bu halların qarşısı alınır.
Aysel Kərimova
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
