Suriyada ölkədaxili döyüşdən qaçaraq Türkiyəyə sığınan 400 qaçqın Ağcaqaladakı sərhəd qapısından keçərək ölkələrinə qayıdıblar.
Simsar.az-ın türk mətbuatına istinadən verdiyi məlumata görə, Şanlıurfanın Ağçaqala mahalında yaşayan 400 nəfərlik qrupdan ibarət olan suriyalılar ölkələrinə geri qayıdıblar. Bir neçə gün öncə isə 100 nəfərlik bir qrup icazə alaraq Kobaniyə getmişdi.
Ağcaqala Gömrük Qapısı qarşısında toplaşan təxminən 400 suriyalı ölkələrinə keçmək üçün səlahiyyətlilərdən icazə istəyiblər. Aralarında qadın və uşaqların da olduğu sutiyalılar bir müddət gözlədikdən sonra özləri ilə gətirdikləri əşyalarla ölkələrinə üz tutublar. Gömrük qapısı ətrafında və sərhəddə tədbirlər isə davam edir.
Qeyd edək ki, Ağcaqala Gömrük Qapısı Tel Abyad bölgəsindəbaş vermiş münaqişələrə görə, təhlükəsizliyi təmin etmək məqsədilə 6 Yanvar 2014-cü ildə bağlanılmışdı.
Aysel Kərimova