Venesuelada həbsxanada qiyam edən məhkumlar cəzaçəkmə müəssisəsinin müayinə otağına basqın edərək, yüksək dozada dərman içiblər.
Simsar.az xarici mətbuata istinadən xəbər verir ki, Venesualada daha yaxşı şəraiti tələbi ilə üsyan edən məhkumlar kütləvi intihara əl atıblar. Səlahiyyətli şəxslərin verdiyi məlumata görə, məhkumlar həbsxanadakı müayinə otağına girərək yüksək dozalı dərman qəbul ediblər. İntihara əl atan məhkumlardan 13-nün öldüyü, 145 nəfərin isə zəhərləndiyi üçün müalicəyə göndərildiyi deyilib. Ölənlərin sayının 25 nəfərə çatacağı gözlənilir.
Venesuela həbsxanalarındakı məhkumların sayı 2008-ci ilə müqayisədə iki dəfə artıb. Bu ölkə ən çox məhkumu olan dövlətlərdən sayılır.
Qeyd edək ki, bu il Venesuela həbsxanlarında ölən məhkumların sayı 110-u keçib.
Günel