Bu gün Azərbaycanlı girovlar Dilqəm Əsgərov və Şahbaz Quliyevin yaxınları Sahib Musayev və İlham Quliyev BMT-nin Azərbaycandakı nümayəndəliyində olublar.
Qarabağ Azadlıq Təşkilatının (QAT) mətbuat xidmətindən Simsar.az-a verilən məlumata görə, onlar nümayəndəliyin rəhbəri Antonius Brukla görüşmək üçün yazılı müraciə ediblər. Onların məqsədi BMT rəhbərliyinin azərbaycanlı girovların taleyi, onların sağlamlıq durumu və geri qaytarılması ilə bağlı məsələyə müdaxilə etməsinə nail olmaqdan ibarət olub. Təəssüf ki, nümayəndəlikdən heç kəs onlarla görüşmək istəməyib, başqa ünvanlara müraciət etmələrini məsləhət görüblər. Girov Dilqəm Əsgərovun qardaşı Sahib Musayev BMT nümayəndəliyinin bu münasibətinin insanlığa sığmadığını, qeyri-insani bir hərəkət olduğunu bildirib, həmçinin bu istiqamətdə təşəbbüslərini davam etdirəcəklərini vurğulayıb.
Simsar.az