"Azadlıq" radiosunun əməkdaşı Turxan Kərimovun ("Qarışqa" təxəllüsü ilə tanınır) bu gün səhər evdən çıxarkən saxlanıldığı bildirilir. Bu barədə onun dostları sosial şəbəkədə informasiya yayıb, vəkil lazım olduğunu bildiriblər.
Hələlik jurnalistin kimlər tərəfindən saxlanıldığı və haraya aparıldığı barədə məlumatlar yoxdur.
Jurnalist Nərimanov rayonunun ərazisində tutulduğundan “Amerikanın səsi” Nərimanov Rayon Polis İdarəsinə müraciət edib. İdarənin növbətçi hissəsindən Turxan Kərimovun polis idarəsinə gətirilmədiyini bildiriblər.
Qeyd edək ki, Turxan Qarışqa ictimai-siyasi aktivliyi ilə seçilən gənclərdəndir. Bundan başqa iki kitabıın dilimizə tərcümə edilməsinin və nəşrinin təşkilatçısıdır.