Müsavat başqanının müavini Tofiq Yaqublu 13 saylı cəzakəkmə müəssəsinə köçürülüb.
Simzar.az xəbər verir ki, bu barədə məhkumun qızı Nigar Yaqublu “facebook” səyfəsində məlumat verib.
Şəki Ağır Cinayətlər Məhkəməsinin hakimi Rəşid Hüseynovdan məktub aldıqlarını deyən N.Yaqublu bunları yazıb:
“İndicə Şəki Ağır Cinayətlər Məhkəməsinin hakimi Rəşid Hüseynovdan məktub aldım. Bəs deməzsinizmi, Tofiq Yaqublu 13 saylı cəzakəkmə müəssəsindədir. Rəşid bəy, 2 aydan sonra ayılıb ki, ailəsinə xəbər verməlidirlər. Niyə tələsirdiniz? Niyə əziyyət çəkirdiniz? Cəza müddəti bitəndə yazardınız da. Biz də gedib kişini həbsxanadan çıxarıb birbaşa evə gətirərdik. Xahiş edirəm gələn dəfə bunları nəzərə alın”.
Bildirək ki, Tofiq Yaqublu İsmayıllıda baş verən olayları qızışdırmaqda günahlandırılaraq həbs edilib.
Hüseyn İbadlı