Həmin ərazilərə yaxın yaşayış məntəqələrində partlayış səsləri eşidilir
Ermənistan Silahlı Qüvvələri Azərbaycanın işğal altında olan keçmiş Ağdərə rayonunun ərazisində, Tərtərin Talış və Yuxarı Çaylı kəndləri istiqamətində hərbi təlimlərə başlayıblar.
APA-nın Qarabağ bürosunun xəbərinə görə, təlimlərdə müxtəlif çaplı artilleriya qurğularından və zirehli texnikalardan istifadə edilir. Həmin ərazilərə yaxın yaşayış məntəqələrində partlayış səsləri eşidilir. Tərtər rayonunun Borsunlu kənd sakinləri APA-nın əməkdaşına partlayışlar nəticəsində evlərdə titrəyişlərin olduğunu bildiriblər.
Xatırladaq ki, Ermənistan Silahlı Qüvvələri bir neçə gün əvvəl Ağdamın işğal altında olan ərazilərində hərbi təlimlər keçiriblər.