“Tələbə Qəbulu üzrə Dövlət Komissiyası qəbul kampaniyası bitən kimi onun nəticələri araşdırmağa başlayır. Bu proses ekspert şuralarının fikirlərinin birgə mübadiləsi əsasında aparılır”.
Simsar.az xəbər verir ki, bunu TQDK sədri M.Abbaszadə deyib.
Müzakirə olunan məsələlərlə əlaqədar hər bir abituriyent bizə elektron qaydada müraciət edə bilər. Nailiyyət əldə etmək üçün mütləq fikir mübadiləsi olmalıdır.
Qiymətləndirmənin göstəriciləri çox vacibdir. Bu gün təqdim etdiyimiz abituriyent 11 jurnalında təhsildə aparılmış qiymətləndirmənin nəticələri yer alıb. Jurnlada 1700 nəfər müsbət nəticə göstərən gənclər haqqında məlumat verilib.
Daha sonra TQDK sədri qəbul imtahanlarında iştirak edən müəllim-nəzarətçilər haqqında məlumat verib. O, bildirib ki, TQDK tərəfindən keçirilmiş imtahanlarda iştirak edən nəzarətçi müəllimlər TQDK-nın işçiləri deyil onlar kənardan qəbul olunurlar. İmtahana nəzarət üçün onlarla işlər aparılır, bu müəllimlərə imtahanın bütün qaydaları öyrədilir. Bu ilki qəbul imtahanlarında 771 müəllimə imtahanda şəffaf qaydada təşəkkür edilib. 26 müəllimə fəxri fərman verilib. Qayda pozuntularına yol vermiş 263 nəzarətçi müəllim imtahnda iştirak hüqundan azad edilib.
Aysel Kərimova