Liviya lideri Müəmmar Qəzzafinin qiyamçılarla apardığı müharibənin ilk günündən indiyədək 10 mindən artıq insan həlak olub
Simsar.az RİA «Novosti»yə istinadən verdiyi məlumata görə, bunu İtaliyanın xarici işlər naziri Franko Frattini bəyan edib.
Liviya müxalifətinin yaratdığı keçid Milli Şurasının rəhbəri Mustafa Abdel Cəlil ilə Romada görüşən nazir danışıqlardan sonra verdiyi açıqlamada deyib: «Milli Şuranın rəhbəri Qəzzafi rejiminin 10 min insanı qətlə yetirdiyini bildirib. Yaralananların sayı 50-55 mindir».
Xatırladaq ki, Liviyada Qəzzafi rejiminə qarşı üsyan fevralın ortalarında başlayıb.