Bu gün Mərkəzi Seçki Komissiyasının (MSK) növbəti iclası keçirilib.
Simsar.az xəbər verir ki, iclasda MSK-nın 14 noyabr tarixli iclasın protokolu təsdiqlənib. Həmçinin? 2014-cü il dekabrın 23-ə təyin edilmiş bələdiyyə seçkiləri ilə əlaqədar MSK-ya daxil olmuş müraciətlərə baxılıb.
MSK katibi Arifə Muxtarova 70 saylı Masallı şəhər Seçki Dairəsi üzrə Musaküçə kənd bələdiyyəsinə namizədliyini irəli sürən 4 nəfər seçki prosesinə müdaxilə etdiyini bildirib.
Bununla bağlı MSK-nın Ekspert Qrupu araşdırma aparıb, həmin şəxslər imza vərəqi verilməsinə, doldurulmuş imza vərəqələrinin təqdim edildilməsinə və onların namizədliklərinin qeydə alınmasına noyabrın 24-dək Dairə Seçki Komissiyasında baxılacağı müəyyən edilib. Namizədliyini irəli sürmüş şəxslərə icra hakimiyyəti nümayəndəsinin seçki prosesinə müdaxilə etməsi barədə sübutlar təqdim etmələri istənilib.
Məsələ səsverməyə qoyularaq qəbul edilib.
Daha sonra MSK bəzi dairə seçki komissiyalarının tərkibində dəyişiklik edib.
Hüseyn İbadlı