“Təxminən 20 gün əvvəl inzibati qaydada həbs olunan Xalid Qarayevin həbs müddəti sabah yekunlaşır”.
Bunu Simsar.az-a açıqlamasında İnsan hüquqları üzrə müvəkkilin (Ombudsman) Aparatının İşgəncələrin qarşısının alınması şöbəsinin müdiri, Milli Preventiv Qrupun (MQR) rəhbəri Vüqar Məhərrəmov deyib.
V. Məhərrəmov bildirib ki, Ombudsman Aparatı ənənəvi olaraq “həssas”( jurnalistlər, qanunsuz aksiyada iştirak edənlər) qruplar həbs olunduqada onların şəraitini araşdırmaq üçün görüşlər keçirir: “Təxminən 10 gün əvvəl Xalid Qarayevlə görüş təşkil etdik. Vəziyyəti yaxşı idi. Sabah Xalid Qarayev azadlğa buraxılacaq”.
Qeyd edək ki, “Azadlıq” qəzetinin və “Azərbaycan saatı”nın əməkdaşı, AXCP üzvü Xalid Qarayev 30 oktyabrda Binəqədi rayonu ərazisində küçədə söyüş söydüyü üçün inzibati qaydada saxlanılıb. Binəqədi rayon polis idarəsinin 4-cü polis bölməsinə aparılmışdı. Məhkəmə Xalid Qarayevə 25 sutka həbs cəzası verib.
Aysel Kərimova