“Azərbaycanın iqtisadi maraqları var. Rublun dəyərinin düşməsi ikitərəfli münasibətlərə də təsir göstərəcək”.
Bunu Simsar.az-a açıqlamasında Milli Məclisin İqtisadi siyasət komitəsinin üzvü, deputat Vahid Əhmədov deyib.
Rublun dəyərdən düşməsinin Azərbaycana göstərəcəyi təsirdən danışan deputat bildirib ki, Rusiyada xeyli sayda azərbaycanlı yaşayır. Bu da onların yaşayış tərzinə və qazanclarına təsir göstərəcək: “Rusiyada xeyli sayda azərbaycanlı yaşayır. Həmin şəxslər Azərbaycana külli miqdarda vəsait göndərirlər. Rublun dəyəri aşağı düşdükcə oradakı həmvətənlərimizin də vəziyyəti ağırlaşır. Bu da Azərbaycan üçün arzuolunan hadisə deyil”.
Deputat bildirib ki, ölkə tərəfindən də ciddi tədbirlər görüləcək: “Prosesin iqtisadiyyatımıza ciddi təsiri olmasa da müəyyən mənfi təsirləri gözləniləndir. Ölkədə dolların rubla dəyişməsi ilə bağlı bəzi valyuta dəyişmə məntəqələrində problemlər oldu. Azərbaycan dövlət səviyyəsində bu məsələlərə baxır. Banklar vasitəsilə müəyyən müdaxilələr edir. İslahatlar aparmaq lazımdır ki Azərbaycan iqtisadiyyatı mövcud durumdan ciddi şəkildə zərər görməsin. Rublun dəyəri düşməkdə davam edərsə əməliyyatlar rublla yox, dollarla həyata keçiriləcək”.
Ülviyyə Cövdətqızı
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
