Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 130-160, Kiçik Qafqazın çaylarında 60-150, Lənkəran-Astara bölgəsi çaylarında isə 50-60 faizini təşkil edir. Bu barədə Simsar.az-a Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumatda bildirilib.
Tranzit çaylarda hazırki vəziyyət
Bu gün Kür çayının Qıraqkəsəmən məntəqəsində suyun səviyyəsində 4 sm azalma müşahidə olunub. Hazırda məntəqədə su sərfi 132 m3/s olmaqla ongünlük normanın 71 faizini təşkil edir. 2013-cü ildə də bu rəqəm 132 m3/s olmaqla ongünlük normanın 71 faizini təşkil edib.
Qanıx çayının Əyriçay məntəqəsində suyun səviyyəsində 3 sm azalma müşahidə olunub. Hazırda məntəqədə su sərfi 45 m3/s olmaqla, ongünlük normanın 56 faizini təşkil edir. 2013-cü ildə isə bu göstərici 78 m3/s təşkil edərək ongünlük normanın 97 faizinə bərabər olub.
Kür çayının aşağı axınında hazırki vəziyyət
Kür çayının aşağı axınında suyun səviyyəsində əsasən mühüm dəyişiklik müşahidə olunmayıb. Belə ki, Kür çayının Surra məntəqəsində 1 sm artım, Şirvanda 6, Araz çayının Novruzlu məntəqəsində 2 sm azalma qeydə alınıb, Salyanda və Bankədə isə suyun səviyyəsində dəyişiklik müşahidə olunmayıb.
Hazırda Surra məntəqəsində suyun səviyyəsi 304 sm (2013-cü il noyabrın 21-də 340 sm), Şirvanda 139 sm (2013-cü il noyabrın 21-də 185 sm), Salyanda 100 sm (2013-cü il noyabrın 21-də 155 sm), Bankədə 166 sm (2013-cü il noyabrın 21-də 191 sm), Araz çayının Novruzlu məntəqəsində isə 31 sm (2013-cü il noyabrın 21-də 100 sm) təşkil edir.
Aysel Kərimova
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
