Ötən gecə Bakıda moteldə qətlə yetirildiyi bildirilən qadının intihar etdiyi aşkarlanlıb. Bu barədə APA-ya Binəqədi Rayon Polis İdarəsindən bildirilib. Məlumata görə, həyata keçirilən əməliyyat-istintaq tədbirləri nəticəsində qətlə yetirildiyi bildirilən Afaq Rafiq qızı Şükürovanın özünü asaraq intihar etdiyi məlum olub.
Xatırladaq ki, dünən Binəqədi şossesində yerləşən “Vulkan” motelində motelə müştəri kimi gələn qadın və kişi arasında mübahisə yarandığı, mübahisə zamanı kişinin qadını bıçaqla qətlə yetirdiyi bildirilirdi. O da qeyd olunurdu ki, hadisədən sonra motel bağlanıb, qətlin törədildiyi yerdə istintaq işlərinə başlanılıb. Hadisəni törədən şəxs isti izlərlə saxlanılıb.
Bu gün isə məlum olur ki, mərhum özünü asıbmış. Bəs bıçaq xəsarətləri və isti izlərlə saxlanan şəxs? Bu barədə məlumat yoxdur.