Bakının Binəqədi rayonunda qətl hadisəsi törədilib.
Simsar.az Anspress-ə istinadən xəbər verir ki, Binəqədi şossesində fəaliyyət göstərən məşhur otellərdən birində qeydə alınan hadisə zamanı, obyektdə istirahətə gələn xanımla kişi arasında mübahisə düşüb.
Otel otaqlarının birində əylənən cütlüyün mübahisəsinin sonunda qadın tərəf müqabili tərəfindən bıçaqlanıb. Xəsarətləri ağır olan qadının elə yerindəcə keçindiyi bildirilir.
Qeyd edək ki, qətlin baş verdiyi obyekt istirahət mərkəzi kimi reklam edilsə də, onun təyinatı üzrə işləməməsi barədə dəfələrlə məlumatlar yayılıb.