Suriyanın şimalındakı kürdlərin yaşayış məskəni Kobaninin yüzdə 80-ni YPG-nin kontroluna keçib. İŞİD geri çəkilməyə davam edir.
Simsar.az xəbər verir ki, bunu PYD-nin sədr müavini Asya Abdulla deyib. Sədr müavini, Türkiyədən dəhliz tələblərinin davam etdiyini də bildirib: “İŞİD ağır silahlarla hücum edir. Biz də dünya dövlətlərindən ağır silah tələb edirik. Bunun üçün Türkiyə Kobani üçün dəhliz açmalıdır. Bu dəhliz olmasa İŞİD-in mühasirəsin yarmaq çətin olacaq. Kobani bir ildir mühasirədədir. BMT nəzaritində olacaq Türkiyə dəhlizi həm mülkilər, həm də beynəlxalq güclərin Kobaniyə dəstəyi üçün çox əhəmiyyətli olacaq”.
Qeyd edək ki, rəsmi Ankara uzun zamandır Kürdlərin tələb etdiyi Türkiyə-Kobani dəhlizinin açılmasına razılıq vermir.
Vüsal Qarayev