Müsavat Partiyasının sonuncu qurultayından məğlub ayrılan qüvvələr son zamanlar yeni başqana qarşı hücuma keçiblər. Onlar partiya rəhbərliyinə təkrar qurultay keçirməklə bağlı təklif veriblər. Görəsən bu təklifi partiya funkisyonerləri neçə qarşılayırlar?
Təkliflərin əsasız olduğunu deyən Müsavat Partiyasının Məclis üzvü, yeni başqanın qardaşı Mustafa Hacıbəyli Simsar.az-a bildirib ki, partiya üzvlərinin əksəriyyəti narazı qüvvələrin təklifini bölüşmürlər: “Qurultay təzə keçirilib və nəticələr say komissiyası və qurultay nümayəndələri tərəfindən təsdiqlənib. Bu səbəbdən partiya üzvlərinin mütləq əksəriyyəti təkrar qurultayın keçirilməsi üçün heç bir zərurət görmürlər”.
Təkrar qurultayın keçirilməsi ilə bağlı təklifin bir neçə gün öncə Milli Məclisin deputatı Siyavuş Novruzov tərəfindən irəli sürüldüyünü deyən məclis üzvü bildirib ki, Qubad İbadoğlu iki gün sonra həmin təklifi təkrarlayaraq bəyanatla çıxış edib: “Partiya Nizamnaməsinə görə qurultay səlahiyyətli orqanlar tərəfindən təyin oluna bilər. Əgər kimsə təkrar qurultayın keçirilməsini istəyirsə, bilməlidir ki, bu, yalnız Müsavat Məclisinin verəcəyi qərar nəticəsində reallaşa bilər. Belə bir qərarın verilməsi üçün hələlik heç bir əsas yoxdur. O cümlədən partiyanın rəsmi strukturlarına bu barədə heç bir müraciət edilməyib”.
M.Hacıbəyli həmçinin sabiq partiya başqanına qarşı səslənən ittihamlara da cavab verib: “İsa Qəmbərin hakimiyyətə işləməsi ilə bağlı deyilənlər doğru deyil. Müsavat Partiyası və başqanı daim hakimiyyətin hədəfindədir. İsa bəy daim hakimiyyətin əsas hədəfi olaraq qalacaq”.
Hüseyn İbadlı
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
