Təhsil Nazirliyin mətbuat katibi Cəsarət Valehov tədris müddətinin azaldılması ilə bağlı xəbər aydınlıq gətirib.
Simsar.az-ın xəbərinə görə, C. Valehov bildirib ki, 2014/2015-ci tədris ili üçün Bakı şəhərində yerləşən ali və orta ixtisas təhsili müəssisələrində nəzəri təlim müddətinin (15 həftə) vaxtını dəyişmədən, imtahan sessiyalarına ayrılmış 5 həftənin 3 həftəyə qədər, qış tətili müddətinin 2 həftədən 1 həftəyə qədər, peşə-ixtisas təhsili müəssisələrində isə ikinci yarım il üçün nəzərdə tutulmuş təhsil müəddətinin 23 həftədən 21 həftəyədək azaldılacaq.
Bununla bağlı Təhsil Nazirliyindən ali və peşə təhsili müəssisələrinə müvafiq məktublar göndərilib.
Xüsusi qeyd: Ümumtəhsil məktəblərində təhsil müddəti 31 mayda bitdiyi üçün bu qərar ancaq ali və orta ixtisas, eləcə də ilk- peşə ixtisas müəssisələrinin tələbə və şagirdlərinə aiddir.
Aysel Kərimova