Tələbə Qəbulu üzrə Dövlət Komissiyasından (TQDK) Milli Məclisdə qurumun ünvanına səsləndirilən fikirlərə reaksiya gəlib.
Komissiyanın mətbuat xidmətinin rəhbəri Elnur Nağızadə Simsar.az-a açıqlamasında bildirib ki, Gürcüstanda yaşayan azərbaycanlılar mövcud prosedurlara uyğun olaraq qeydiyyatdan keçərək imtahan verirlər: “Lakin Azərbaycan universitetlərində onlara yer ayrılması məsdsələsi TQDK səlahiyyətinə aid deyil”.
Qeyd edək ki, Milli Məclisdə Azərbaycan Respublikasının 2015-ci il üçün büdcə layihəsinin müzakirəsi zamanı deputat Fərəc Quliyev Tələbə Qəbulu üzrə Dövlət Komissiyasına təklif göndərib. Millət vəkili deyib ki, Tələbə Qəbulu üzrə Dövlət Komissiyası Gürcüstanda yaşayan azərbaycanlılar üçün test imtahanı keçirsin”.
Eyni zamanda Azərbaycan universitetlərində onlara 500-700-ə yaxın yer ayrılmasına ehtiyac olduğunu bildirib.
Aysel Kərimova