Qazaxda oğurluq və dələduzluqla məşğul olan şəxs saxlanılıb.
Simsar.az Türkel TV-yə istinadən xəbər verir ki, Qazaxda oğurluq və dələduzluqla məşğul olan vətəndaş Pərviz Məmmədov saxlanılıb. Təqsirləndirilən şəxsin Salyan, Hacıqabul, Göyçay və Qazax rayonu ərazisində vətəndaşlara məxsus xırdabuynuzlu heyvanların oğurlanmasında iştirak etdiyi və dələduzluq əməlləri törətdiyi bildirilir.
Qazax Polis Şöbəsinin keçirdiyi əməliyyat nəticəsində ittiham olunan Pərviz Məmmədov Bakı şəhər Xətai rayonu ərazisində həbs edilərək istintaq orqanlarına təhvil verilib. Artıq onun Nurlan Quliyev adlı vətəndaşı hərbi xidmətə işə düzəltmək adı ilə 3000 manatı mənimsəyərək dələduzluq törətdiyi məlumdur. Hadisədə günahkarlandırılan Pərviz Məmmədov barədə Cinayət Məcəlləsinin 177-ci oğurluq və 178-ci dələduzluq maddələri ilə cinayət işi açılıb.
Simsar.az