BMT Baş katibi Ban Gi Mun “İŞİD”ə qarşı mübarizənin gücləndirilməsinə baxmayaraq, terroristlərə qoşulmaq üçün 80-dən çox ölkədən bölgəyə gedən döyüşçülərin saynın 15 mini keçdiyi deyib.
Simsar.az-ın məlumatına görə, qaçaqmalçılıq və qeyri-qanuni neft satışının “İŞİD” və onun kimi təşkilatları bəslədiyini də vurğulayan Baş katib əlavə edib ki, narkotik alveri ilə beynəlxalq cinayətlər terrorizmlə qarşılıqlı olaraq bir-birlərini dəstəkləyir.
Munun bəyanatında qeyd olunub ki, BMT Təhlükəsizlik Şurasına üzv ölkələr “İŞİD”in maddi və insan qaynaqlarına əngəl olmalıdırlar.
BMT-nin hesabatına görə, “İŞİD”in neft satışından 846 min ilə 1 milyon 645 min dollar arasında, insan qaçırmaqdan isə illik 35-45 milyon dollar gəliri olub.
Vüsal Qarayev