İsraildə sinaqoqa təşkil edilən və 5 nəfərin ölümü ilə nəticələnən hücumun yaratdığı gərginlik hələ də davam edir. Qüdsdə isə vəziyyət kritik həddə çatıb.
Simsar.az xəbər verir ki, İsrailin baş naziri Benyamin Netanyahunun əmri ilə 22 oktyabrda maşını ilə iki nəfəri öldürən Abdurrahman adlı fələstinlinin də evi uçurdulub. Abdurrahmanın 14 yaşlı bacısı isə uçmuş evin ətrafında gizlənərək, “İndi biz hara gedək? Yaşamaq üçün heç bir yerimiz yoxdur, evimiz yoxdur” deyə fəryad edib.
Qeyd edək ki, terror aktlarını təşkil edənlərin evlərinin uçurulması İsraildə tərəfindən tez-tez istifadə edilən tədbirlərdəndir.
Vüsal Qarayev