Son iki həftə ərzində dəm qazı zəhərlənməsi ilə bağlı 17 müraciət daxil olub.
Bunu Simsar.az-a açıqlamasında Səhiyyə Nazirliyi Klinik Tibbi Mərkəzin (KTM) Toksikologiya şöbəsinin müdiri Azər Maqsudov bildirib.
O deyib ki, həmin şəxslərdən 5-i Klinik Tibbi Mərkəzin (KTM) Toksikologiya şöbəsinə qəbul olunub. Digərləri isə ilkin yardım göstərildikdən sonra evə buraxılıb.
Şöbə müdiri dəm qazından zəhərlənənlər arasında ölüm faktının qeydə alınmadığını da söyləyib.
A. Maqsudov vurğulayıb ki, ötən illə müqayisədə dəm qazı ilə bağlı müraciət edənlərin sayında azalma müşahidə olunub: “Ötən ilin bu dövründə dəm qazından müraciətin sayı 27 olmuşdu”.
Şöbə müdiri əlavə edib ki, dərmanların allergik reaksiyası ilə bağlı 4 nəfər müraciət edib.
Aysel Kərimova