Bakının Sabunçu rayon Bakıxanov qəsəbəsinin sakinləri təbii qazın verilməməsindən əziyyət çəkirlər.
Simsar.az-a qəsəbə sakinlərindən daxil olan məlumata görə, ölkə ərazisində qış rejiminə keçilməsinə baxmayaraq, qəsəbəyə hələ də qaz verilməyib. Qazın olmaması səbəbindən isə istilik sistemləri də qoşulmayıb. Sakinlər soyuqdan əziyyət çəkirlər.
Məsələ ilə bağlı Simsar.az-a Bakı şəhəri üzrə İstilik İdarəsindən bildirilib ki, qış rejiminə keçidlə əlaqədar qazın təziqi artırılıb. Bu zaman bəzi borularda zədələrin olduğu meydana çıxıb. Hazırda həmin borular yenidən təmir edilir. Buna görə də qəsəbəyə qazın verilməsi gecikdirilir. İdarədən qeyd olunub ki, bu gün qəsəbə qazla təmin ediləcək.
Vüsal Qarayev