“Arif Hacılının söylədiklərinin bir hissəsi həqiqətdir, bir hissəsi isə reallığı əks etdirmir”.
Bunu Simsar.az-a Müsavat başqanlığına keçmiş namizəd, iqtisadçı ekspert Qubad İbadoğlu deyib.
Arif Hacılının “Qubad İbadoğluna 3 dəfə görüşməyi təklif etmişəm, amma o gəlməyib” iradına cavab verən sabiq namizəd bildirib ki, həqiqətən aramızda görüşməklə bağlı yazışma olub. İlk təşəbbüs də ondan gəlib: “Birinci dəfə onun təklif etdiyi vaxtda mənim imkanım olmayıb. Mən isə başqa vaxt təklif etmişəm. Mənə söz verib ki, həmin vaxtla baxlı əlavə yazışarıq. Amma sonradan bununla bağlı heç bir yazışmamız olmayıb. İkinci dəfə təklif edəndə Finlandiyada səfərdə olmuşam. Üçüncü dəfə təklif edəndə Salyanda yas mərasimində olmuşam. Göründüyü kimi səbəblər olduqca ciddir. Buna baxmayaraq hər üç təklifə müsbət cavab vermişəm, görüşməyə hazır olduğumu söyləmişəm”.
Q.İbadoğlu həmçinin söyləyib ki, xaricdən qayıtdıqdan sonra bir neçə dəfə partiya mərkəzi qərargahına gedib. Həmin vaxtlarda Arif Hacılı da orada idi. Yəni Arif Hacılının həmin anlarda görüşməklə bağlı təklif irəli sürmə şansları olub.
Onun sözlərinə görə başqanlığa keçmiş namizədlərin hər birini ayın 8-də keçirdiyi toplantıya dəvət edib: “İstəyirdim ki, toplantı zamanı birgə müzakirələr aparaq. Amma təəssüflər olsun ki, həmin vaxtda da Arif Hacılı qərargahda olmağına baxmayaraq toplantıya gəlmədi. Onun təkliflərlə bağlı söylədikləri düzdür. Görüşün alınmaması ilə bağlı verilən izahatlar isə tamamilə yalnışdır”.
Hüseyn İbadlı