İsrail norveçli həkim Mads Gilbertə ömür boyu Qəzzaya girmək qadağası qoyub. Mads Gilbert iyul - avqust aylarında İsrailin Qəzzaya hücumları zamanı həyatını təhlükəyə ataraq fələstinli yaralıları müalicə etmişdi və məhz buna görə də “Yaxşılıq Mələyi” adlandırılmışdı.
Simsar.az xəbər verir ki, Şəfa Xəstəxanasında çalışan, bütün dünyanın tanıdığı Gilbert, yenidən Qəzzaya getmək istəyib, lakin İsrail tərəfindən geri qaytarılıb. Ömür boyu bir daha Qəzzaya girə bilməyəcəyi bildirilən doktora səbəb kimi bölgənin təhlükəli olması göstərilib.
Həkim Gilbert həmçinin, ən az 2 min nəfərin öldüyü İsrail hücumları zamanı ABŞ prezidenti Barak Obamaya yazdığı məktubla da dünyanın gündəminə düşmüşdü.
Vüsal Qarayev