ABŞ-ın paytaxtı Vaşinqtondakı tarixi Vaşinqton Milli Katedralında ilk cümə namazı qılınıb.
Simsar.az xəbər verir ki, bəzi Amerika prezidentlərinin andiçmə mərasimlərinin, ABŞ prezidentləri və digər önəmli şəxsiyyətlərin cənazə mərasimlərinin keçirildiyi Katedraldakı cümə namazına məhdud sayda müsəlman çağırılıb.
Namaz insidentsiz keçməyib
Namaz Cənubi Afrikanın Vaşinqton Səfiri İbrahim Rəsulun liderliyində, bəzi müsəlman QHT-lərinin də qatıldığı 100 nəfərlik camaat tərəfindən qılınıb. Namazdan öncə isə bir xristiyan qadın müsəlmanların burada namaz qılmasına etiraz edib. Qadın, “Bu ölkənin çox yerində məscidlər tikmişik. Niyə ibadətinizi gedib öz məscidlərinizdə etmirsiniz?” – deyə qışqırıb.
Azan Dulles Bölgəsi Müsəlman Toplumu QHT-sinin imamı Məhəmməd Məcid tərəfindən oxunub. Cümə xütbəsini isə Cənibu Afrikalı səfir İbrahim Rəsul oxuyub.
Namazdan sonra çıxış edən müsəlman və xristiyanlar, müharibələrin durmasını, dinindən, irqindən aslı olmayaraq bütün insanların dostluq, qardaşlıq içində yaşamasını istədiklərini dilə gətiriblər.
Vüsal Qarayev