Türkiyənin müdafiə naziri İsmet Yılmaz Azərbaycan-Ermənistan qoşunlarının təmas xəttində vurulan erməni hərbi helikopterindən danışıb.
Simsar.az xəbər verir ki, o, Azərbaycanın ermənilərə məxsus bir helikopteri vurduğunu və ermənilərin bunun qarşılığını verəcəkləri ilə bağlı hədələrini xatırladıb: “İnanın bu bölgədə sabah nə olacağını bilmirsiniz”.
O, həmçinin Dağlıq Qarabağ münaqişəsinin nizamlanmasına kömək edən ölkələrin bu məsələyə diqqəti artırmalı olduğunu da deyib.
Bəzi millət vəkilləri müdafiə nazirindən bu məsələ ilə bağlı konkret cavab tələb ediblər. O, isə İraqı, Suriyanı, Azərbaycan və Ermənistan arasında baş verənləri, Ukrayna və Krımdakı vəziyyəti müşahidə etmənin Türkiyənin içində olduğu vəziyyəti anlamaq üçün çox önəmli olduğunu deyib.
Hüseyn İbadlı