“Dünya tarixinə baxsaq görərik ki, böyük inqilabların baş verdiyi dövlətlərdə hakimiyyətin dəyişilməsi pərdə arxası güclərin iradəsi ilə baş verir.”
Bunu Simsar.az-a Azərbaycan Demokrat Partiyasının (ADP) sədri Sərdar Cəlaloğlu Azərbaycan müxalifətinin mitinq yolu ilə hakimiyyətə gəlmə şanslarından danışarkən deyib.
Partiya sədri bildirib ki, son zamanlar Suriyada və İraqda fərqli inqilablar baş verib. Suriyada Bəşər Əsəsd yenə də hakimkiyyətdə qalıb. Amma ölkə tamamilə dağılıb, xalq məhv olub. Onun sözlərinə görə yalnız tərəflərin küçələrdə vuruşması ilə dəyişikliklərin baş verməsi mümkün deyil.
Azərbaycan müxalifətinin keçirdiyi mitinqlərə gəlincə ADP sədri bildirib ki, bu cür mitinqlərlə inqilaba doğru getmək mümkün deyil: “İnqilablar təfəkkürün və əqli-şüurun işidir. Bu cür zərurətlər qəfləti, xaotik proseslərdən yaranır. Mitinqlər nizami, ayrı-ayrı qrupların verdikləri qərarlar nəticəsində reallaşır. Ona görə qlobal dünyada belə proseslərlə hakimiyyət çevrilişi etmək mümkün deyil. Real həyatda həqiqətin meyarı təcrübədir”.
Hüseyn İbadlı