“Dərs ilinin sentyabrın 1-dən başlayıb mayın sonuna, yoxsa sentyabrın 15-də başlayıb iyunun 14-də sona çatmasının daha faydalı olub-olmaması haqqında müxtəlif fikirlər ola bilər”.
Bunu Simsar.az-a açıqlmasında Milli Məclisin Elm və təhsil komitəsinin üzvü, professor Musa Qasımlı dərs həftələrinin sayının artırılması ilə bağlı qərarı şərh edərəkən səsləndirib.
Deputatın sözlərinə görə, dərs həftələrinin sayının artırılmasına dair qərar zərurətdən doğan bir addımdır: “Məlum olduğu kimi, bizdə dərs həftələrinin sayı dünyanın qabaqcıl ölkələri ilə müqayisədə azdır. Əlavə olaraq, bayramlar zamanı məktəblərimizdə dərslərin olmamasını da diqqətdən qaçırmasaq, görərik ki, müəllimlərimiz tədris proqramlarını yerinə yetirə bilmirlər. Şagirdlər isə tələb olunan materialları məniməsəyə bilmirdilər. Şagirdlər və müəllimlər yüklənirdilər. Ona görə də belə bir qərarın qəbul edilməsini müsbət qiymətləndirirəm”.
Ülviyyə Cövdətqızı