Dünyada işsizlik səviyyəsinin ən çox olduğu ölkələrin adları açıqlanıb.
Simsar.az-ın məlumatına görə, maraqlıdır ki, iş tapmaqda ən çox çətinlik çəkilən ölkələrin bəziləri Avropa Birliyinə daxil olan dövlətlərdir.
İqtisadi Əməkdaşlıq və İnkişaf Təşkilatının (OECD) sentyabr ayı üzrə hesabatına əsasən işsizlik səviyyəsi 0.1 % düşərək 7.3 %-dən 7.2 %-ə geriləyib. Bu ölkələrdəki işsizlərin sayı isə 44.2 milyon nəfər təşkil edir.
İspaniyada işsizlik səviyyəsi 0.2 % düşsə də bu siyahıda birincidir. Hesabatda “matador”ların 24 %-nin işsiz olduğu bildirilir.
İşsizliyin ən az olduğu ölkələr sırasında isə 3.5 %-la Cənubi Koreya ilk sırada yer alıb, onu 3.6 % ilə Yaponiya izləyir. Meksika və İslandiya isə 4.8 %-la 3-cü sıranı paylaşırlar.
ABŞ-da işsizlik səviyyəsi 0.1 % geriləyərək 5.8 % enib.
15-24 yaş qrupuna aid işsizlik problemi Avropa üzrə hələ də problem olmaqda davam edir.
Vüsal Qarayev