Ümumdünya Diabet Günü, diabet dünyasının ilkin məlumatlandırma kampaniyasıdır. Simsar.az xəbər verir ki, Beynəlxalq Diabet Federasiyası və Ümumdünya Səhiyyə Təşkilatı tərəfindən dünyada diabet hallarının yüksəlməsinin qarşısını almaq məqsədilə 1991-ci ildə irəli sürülüb. O vaxtdan etibarən hər il 14 noyabr “Ümumdünya Diabet Günü” kimi qeyd olunur. Bu tarix insulini kəşf edən Frederik Bantinquinin doğulduğu gündür.

2006-cı il dekabr ayının 20-si BMT Baş Assambleyası tərəfindən qəbul edilmiş BMT-nin 61/225 saylı Qətnaməsi 2007-ci ildən başlayaraq “Ümumdünya Diabet Günü”nü BMT günü kimi müəyyənləşdirib. Bu Qətnaməyə əsasən ilk dəfə olaraq dövlətlər qeyri-infeksion xəstəlik olan diabeti dünya miqyasında sağlamlığa ciddi təhlükə mənbəyi sayaraq, HİV/QİSS, vərəm, malyariya kimi infeksion xəstəliklərlə eyni səviyyədə qəbul ediblər.

Qətnamə, Birləşmiş Millətlər Təşkilatının aydınlaşdırdığı kimi 2007-ci ildən etibarən hər il noyabr ayının 14-nü “Ümumdünya Diabet Günü” kimi müəyyən edir. Bu qətnamə BMT-yə üzv olan dövlətləri bu günü təsdiq etməyə və həmçinin bütün millətləri diabetin qarşısını almaq və müalicə etmək üçün milli siyasət oriyentasiyasını hazırlamağa dəvət edir.

“Ümumdünya Diabet Günü” 160-dan çox ölkədə, Beynəlxalq Diabet Federasiyasının 200 üzvü, o cümlədən assosiasiya və təşkilatlar, səhiyyə mütəxəssisləri, şəkər xəstələri və onların ailələri tərəfindən qeyd olunur. Kampaniya ictimaiyyəti xəstəliyin səbəbləri, simptomları, fəsadları və müalicəsi ilə məlumatlandırmaq məqsədi daşıyır. “Ümumdünya Diabet Günü” milyonlarla insanı – şəkər xəstəsi olan və olmayan uşaq və yetkin insanları, səhiyyə mütəxəssislərini, dövlət məmurlarını, mətbuatı və s. bir yerə toplayır.

Kampaniyanın məqsədi diabetin əhatə dairəsinin artması haqqında xəbərdarlıq etməkdir.

Ümumdünya Diabet Federasiyasının üzvü olan Azərbaycan Diabet Cəmiyyəti, Birləşmiş Millətlər Təşkilatının Azərbaycandakı ofisinin dəstəyi ilə Dünya Diabet Gününü 2007-ci ildən başlayaraq hər il qeyd edir.

Hər il “Ümumdünya Diabet Günü” diabetlilərlə bağlı məsələlərin müzakirəsini keçirir. Əvvəllər müzakirə olunan mövzular diabet və insan hüquqları, diabet və həyat tərzi, diabetin dəyəri barədə olmuşdur. Növbəti illərdə əsas diqqət diabetin ürəyə, gözə, böyrəklərə və ayaqlara zərərinə yönəldilib. Bu mövzuları əhatə edir:

2005-ci il: Diabet və pəncə qayğısı

2005-cı il:Diabet: müsbət və mənfi cəhətləri

2007 və 2008-ci illərdə “Ümumdünya Diabet Günü” BMT Qətnaməsini dəstəkləmək və dünya ictimaiyyətinin diqqətini diabet probleminə cəlb etmək məqsədi daşıyırdı. 2008-ci ilin mövzusu DDG kompaniyası “Uşaqlarda və cavanlarda diabet” olmuşdur. 2009-2013-cü illərin kompaniyası isə 4 mühüm məqsədlərə yönəldilib.

1. Hər dövlət şəkərli diabetin qarşısının alınması və idarə olunmasına dair strategiyalar və siyasətlər həyata keçirtməlidir.

2. Hər diabetə düçar olan insan diabeti daha yaxşı idarə etməkdən ötrü təlim almalıdır.

3. Hər bir insan diabeti xəbərdar edən əlamətləri, diabetin fəsadlarının qarşısının alınması haqqında bilmədir.

4. Dünya diabet günü hər ölkədə qeyd olunmalıdır.

Mavi dairə diabetli xəstələr üçün ümumbəşəri simvoldur. Bu diabetə qarşı mübarizədə birliyi ehtiva edir və diabet haqqında Birləşmiş Millətlər Təşkilatının Qətnaməsini dəstəkləməyi simvollaşdırır.

2007-ci ildən başlayaraq Azərbaycan Diabet Cəmiyyəti Dünya Diabet Gününü hər il qeyd edir.