Mitinqçilər kiçik qruplar şəklində etiraz etdilər
İctimai Palatanın bu günə təyin olunmuş etiraz aksiyası əvvəlcədən Sahil bağında keçirilməsi nəzərdə tutulsa da, aksiyaya şəhərin başqa yerlərində cəhd olunub.
Simsar.az-ın məlumatına görə, etirazçılar kiçik qruplar şəklində şəhərin müxtəlif yerlərində etiraz ediblər. Nizami kinoteatrının qarşısında, Nizami küçəsində görünən etirazçılar polis tərəfindən dağıdılıb. Həbs olunanların bir qrupunu əsasən Nəsimi rayon polis idarəsinə aparılıblar,digər lərini isə şəhər kənarına apararaq orada sərbəst buraxılıblar.
Bakı şəhər Baş Polis İdarəsi və şəhər Prokurorluğu İctimai Palatanın bu günkü razılaşdırılmamış etiraz aksiyasına cəhdi ilə bağlı məlumat yayıb.
Məlumatında bildirilir ki, 17 aprel aksiyasında 65 nəfər saxlanıb. Saxlananlardan 40-nın işi məhkəməyə göndəriləcək. 25 nəfər isə izahatı alındıqdan və rəsmi xəbərdarlıq edildikdən sonra sərbəst buraxılıblar.
İctimai Palatadan verilən son məlumata görə isə, bu gün keçirilən aksiyada 80 nəfərdən çox adam saxlanıb.
Müsavat Partiyası da 17 aprel aksiyası ilə bağlı bəyanat yayıb. Bəyanatda deyilir ki, mitinqdən bir gün əvvəl və mitinq günü səhər müxalifətçilərə qarşı təzyiq kampaniyası başlayıb. Bütün bu təzyiqlərə baxmayaraq saat 16:00-da minlərlə mitinq iştirakçısı müxtəlif istiqamətlərdən Sahil bağına daxil olmağa çalışıblar. Onlar polisin sərt müqaviməti ilə üzləşiblər. Həmin ətrafda görünən insanlar, hətta bağda istirahət edən vətəndaşlar da həbs olunublar. Polis 100 nəfərə qədər mitinq iştirakçısını həbs edib.
Günel Səfərova
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
