Qarabağ Azadlıq Təşkilatı (QAT) cəbhə bölgəsində baş verən son hadisələrlə bağlı bəyanat verib.
QAT mətbuat xidmətindən Simsar.az-a verilən məlumata görə, bəyanatda bildirilib ki, düşmən helikopterinin əsgərlərimiz tərəfindən vurulması alqışlanmalıdır: “Məhz belə olmalıdır, düşmən havada da, yerdə də hərəkət etməkdən, hətta nəfəs aımaqdan çəkinməli, qorxmalı, rədd olub getməlidir. Biz hesab edirik ki, Azərbaycan Ordusu bu cür addımlarını davam etdirməli, ermənilərin bütün təxribatlarının, o cümlədən “hərbi təlim” deyilən oyunbazlıqlarının qarşısını qətiyyətlə almalı, sonra isə torpaqlarımızın işğaldan azad olunması üçün hərbi əməliyyatlara başlamalıdır. Bu hadisə bir daha göstərdi ki, ermənilərin istənilən təxribatının qarşısını almaq mümkündür və ermənilər heç müqavimət göstərmək gücündə də deyildirlər. Beynəlxalq təşkilatların da, böyük dövlətlərin də işğalçı Ermənistanı fəal şəkildə müdafiə etmək fikirləri yoxdur. Ona görə də ləngimədən müharibəni başlamaq lazımdır”.
Simsar.az