Qaradənizdə keçirilən NATO tətbiqatlarından qayıdan və 4 gündür İstanbulda qalan USS ROSS adlı ABŞ hərbi gəmisinin əsgərlərinin başına Türkiyədə torba keçirilib.
Simsar.az xəbər verir ki, Türkiyə Gənclər Birliyi (TGB) üzvləri, “Yankee go home”, “Məhv olsun amerikan imperializmi” şüarları altında 3 ABŞ əsgərinin başına torba keçirərək, üzərlərinə qırmızı boya atıblar. TGB-nin bu hərəkətinə ətrafdakı vətəndaşlar da dəstək veriblər.
TGB-lilər açıqlamalarında, “ABŞ ordusunun üzvü olduğunuzu bildirdiniz. Sizləri qatil olaraq tanıyırıq. Torpaqlarımızdan rədd olub getmənizi istəyirik və indi etiraz haqqımızdan istifadə edirik” – ifadələrini işlədiblər. Amerika əsgərləri isə “yaxşı, gedirik” cavabını veriblər.
Qeyd edək ki, 4 iyul 2003-cü ildə İraqda 11 türk əsgəri Amerika ordusunun əsgərlərinin basqınına məruz qalmışdı. ABŞ əsgərləri Türk əsgərlərinin başına torba keçirərək 60 saat nəzarətdə saxlamışdılar. ABŞ hadisylə bağlı Türkiyədən üzr istəmişdi.
Vüsal Qarayev