“NATO Azərbaycan Silahlı Qüvvələrinin Ermənistan Silahlı Qüvvələrinin hərbi helikopterini vurması barədə məlumatlardan narahatdır”.
Simsar.a-ın məlumatına görə bu barədə NATO baş katibinin Cənubi Qafqaz və Mərkəzi Asiya üzrə xüsusi nümayəndəsi Ceyms Appaturay öz “Facebook” səhifəsində yazıb.
C.Appaturay bildirib: “İnsidentin hansı şəraitdə baş verməsindən asılı olmayaraq tərəflər təmkin nümayiş etdirməli və münaqişənin diplomatik yolla həllinə nail olmalıdırlar”.
Bildirək ki, ötən gün saat 13:45 radələrində cəbhənin Ağdam rayonunun Kəngərli kəndindən 1700 metr şimal-şərq istiqamətində Ermənistan Silahlı Qüvvələrinə məxsus Mi-24 tipli helikopter döyüş kursuna enərək mövqelərimizə hücum edib. Qoşunlarımız tərəfindən açılan cavab atəşi nəticəsində düşmən helikopteri məhv edilib. Düşmənin məhv edilmiş helikopterində olan 3 hərbi qulluqçu həlak olub.
Hüseyn İbadlı