Məşhur Forbes jurnalı dünyanın ən zəngin terror təşkilatlarının siyahısını açıqlayıb.
Simsar.az xəbər verir ki, ilk onluqda 8 İslam köklü təşkilatın adı görünür. Dünyanın ən zəngin terror təşkilatı isə Forbes-ə görə “İŞİD”-dir.
“İŞİD” ildə təxminən 2 milyard dollar qazanır. Əsas gəlir mənbəyi isə qarabazarda satdıqları neftdir. Təşkilat gündə 25-50 dollar arasında qiymətlə təxminən 30 min barrel neft satır.
Jurnala görə ikinci ən zəngin terror təşkilatı isə ildə 1 milyard dollarlıq gəlirlə Həmas təşkilatıdır. Bu təşkilat isə gəlirinin əsas hissəsini Körfəz ölkələrindən əldə edir. Bundan başqa Həmas lideri Xalid Meşali dünyanın ən zəngin müsəlmanlarından biri olaraq göstərilib.
Siyahıda Taliban 400 milyon dollarlıq gəlirlə 5-ci, Əl-Qaidə isə 150 milyon dollar gəlirlə 6-cı olub.
Vüsal Qarayev