NATO, Rus ordusuna aid tankların son 2 gündür Ukrayna sərhədlərini pozaraq bu ölkənin ərazisinə girdiyini açıqlayıb. Rəsmi Moskva isə bu xəbəri təkzib edib. Məsələylə bağlı BMT Təhlükəsizlik Şurası dünən təcili toplanıb.
Simsar.az xəbər verir ki, Bolqarıstanın paytaxtı Sofiyada olan NATO generalı Filip Breedlov, “Çoxlu sayda rus hərbiçisinin, tankların, ağır silahların, raket müdafiə sistemlərinin Ukraynaya girdiyini gördük” deyib.
Ukrayna hazırlıq görür
Qeyd etdiyimiz kimi ABŞ New Yorkda təhlükəsizlik şurasını təcili toplantıya çağırarkən, Ukrayna öz növbəsində hazırlıqlarını sürətləndirib. Kievdə Ukrayna Baş Naziri Arseniy Yatsenyuk sədrliyi ilə keçirilən toplantıda Müdafiə Naziri Stepan Poltorak müharibəyə hazırlaşdıqlarını bildirib: “Öncəliklə işimiz müharibə güclərimizi hazır vəziyyətdə saxlamaqdır. Səfərbər ediləcək əsgərlərimizi hazırlayırıq”.
Vüsal Qarayev