Ən çox izlənilən televiziya yarışması "O səs Türkiyə"də daha bir azərbaycanlı növbəti mərhləyə keçib.
Simsar.az xəbər verir ki, yerli şou-biznesin gənc simalarından olan Nicat Məhərrəmov “O səs Türkiye” səs yarışmasında növbəti mərhələyə vəsiqə qazanıb. İstanbuldan yeni qayıdan müğənni, təəssüratlarını oxucularımızla bölüşüb:
"Nəhayət ki, qardaş ölkəyə tez-tez səfər etməyimin mahiyyəti məlum oldu. Ötən gün Türkiyənin TV8 kanalında "O səs Türkiyə"nin səhnəsində oxuduğum "Əziz dostum" mahnısı kifayət qədər tamaşaçı marağına səbəb oldu. Juridə əyləşən Ebru Gündeşdən başqa bütün məşhurlar məni öz komandalarında görmək üçün kürsülərini səhnəyə tərəf çevirdilər. Ebrunun bu hərəkəti mənə çox qaranlıq qaldı. Efiri izləyənlər gördülər ki, mən Gökhan Özoğuzun komandasına qatılmağı üstün tutdum. Hələlik Bakıda olsam da dekabrın 15-dən sonra yenidən Türkiyəyə qayıdacağam.
Əsas məqsədim odur ki, növbəti mərhələdə də yaxşı performans göstərim. İnşAllah uğur mənimlə olar".
Şahin Cavadsoy
Simsar.Az