Bakı Dövlət Universitetininin (BDU) Jurnalistika fakültəsində görkəmli jurnalist, media mütəxəssisi, istedadlı alim və ictimai xadim, professor Qulu Məhərrəmlinin anadan olmasının 60 illiyi qeyd olunub.
Simsar.az xəbər verir ki, yubiley tədbirində çıxış edən Televiziya və radio jurnalistikası kafedrasının müdiri, dosent Aynur Kərimli professor Qulu Məhərrəmlini müasir Azərbaycan jurnalistikasının və milli jurnalistika elminin görkəmli nümayəndəsi kimi səciyyələndirib.
Toplantıda çıxış edən respublika Mətbuat Şurasının üzvü, professor Nəsir Əhmədli teleradio tarixinin yazılması, ekran-efirin və bütövlükdə jurnalistikanın elmi-nəzəri problemlərinin öyrənilməsi, müstəqil jurnalistika konsepsiyasının formalaşdırılması sahəsində Q.Məhərrəmlinin məhsuldar fəaliyyətinə toxunub.
Dosent Akif Rüstəmov, baş müəllimlər Əli Hacıyev, Zaur Babayev və başqaları yubilyarın Azərbaycan televiziyası tarixində iz qoymuş, “7 gün”, “Təfsilat”, “Gerçəklik” kimi müəllif verilişləri barədə söz açıb, onun “Səhər” proqramındakı, həmçinin Xəzər telekanalındakı fəaliyyəti barədə danışıblar. Çıxış edənlər bu cəhəti vurğulayıblar ki, Q.Məhərrəmlinin zəngin jurnalist yaradıcılığı, səmərəli elmi-pedaqoji və ictimai fəaliyyəti, fəal vətəndaş mövqeyi çoxları üçün, sözün həqiqi mənasında, parlaq nümunədir.
Sonda çıxış edən professor Qulu Məhərrəmli qazandığı uğurlara görə müəllimlərinə və ustadlarına borclu olduğunu deyib, həmçinin ona göstərilən diqqətdən məmnun qaldığını, göstərilən qayğıya görə çalışdığı kafedranın kollektivinə və universitetin rəhbərliyinə minnətdarlığını bildirib.
Simsar.az
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
