“İran və Ermənistan dəmir yolları xətlərini birləşdirməyə hazırlaşır”.
Simsar.az Ermənistan mediasına istinadən xəbər verir ki, bu barədə İran nəqliyyat və şəhər salma nazirinin müavini Ali Nurzad Ermənistan rabitə və nəqliyyat nazirinin müvini Artur Arakelyanla görüşü zamanı məlumat verib.
O bildirib ki, İran İslam Respublikasında bütün qonşu ölkələrlə dəmir yol əlaqəsinin qurulması üşün xüsusi proqram hazırlanır.
Nurzad qeyd edib ki, ölkənin perspektivli inkişaf planlarına əsasən, İran dəmir yollarının ümumi ölçüsü yaxın 10 il ərzində təxminən 10 min kilometrə qədər artmalıdır. Bu, regionda yük daşınmaların həcminin əhəmiyyətli artımına imkan yaradacaq.
İki ölkə arasında arasında davamlı və mehriban münasibətlərin mövcud olduğunu vurğulayan nazir müavini bildirib ki, İran və Ermənistan bir-biri ilə ən müxtəlif sahələrdə əməkdaşlıq edir: “Bütün sahələrdə əməkdaşlığımız mövcuddur. Ümid edirik ki, dəmiryol nəqliyyatı sahəsində də naliyyətlər əldə edəcəyik”.
Hüseyn İbadlı