Bakıda Avropa İttifaqının Azərbaycan nümayəndəliyinin (Aİ), ittifaqa üzv dövlətlərin ölkəmizdə təmsil olunan səfirliklərinin və “Park Cinema”nın birgə təşkilatçılığı ilə keçirilən beşinci Avropa film festivalı başa çatıb.
Simsar.az xəbər verir ki, festivalda quruma üzv olan 16 ölkədən müasir filmlər təqdim edilib.
Festivalın proqramına daxil olan filmlər sırasında azərbaycanlı rejissor Elçin Musaoğlunun C.Cabbarlı adına “Azərbaycanfilm” kinostudiyasında istehsal olunan “Nabat” filmi də nümayiş olunub. Komediya, dram, sənədli film, animasiya kimi müxtəlif janrları əhatə edən filmlər bütün növ kinosevərlər üçün nəzərdə tutulmuşdur. Təşkilatçılar uşaq və yeniyetmələri də unutmayıblar.
“Park Bulvar”da yerləşən “Park Cinema”da nümayiş olunan və on gün davam edən bütün filmlərə giriş pulsuz olub.
Günel Musa