Simsar.az xəbər verir ki, Bakımızın qonağı olan türkiyəli ulduz Emre Kaya bu dəqiqələrdə paytaxtın gecə klublarının birində mini-konsert proqramı ilə çıxış edir.
Tanınmış estrada müğənnisi Sevinc Ağaşirinovanın dəvəti ilə Azərbaycana qonaq gəlmiş Emre, səhnəni də elə Sevinclə bölüşüb.
Sevənlərinin qarşısına çıxmamışdan öncə Simsar.az-ın əməkdaşına eksklüziv açıqlama verən E.Kaya xoş təəssüratlarını oxucularımızla bölüşdü:
"Azərbaycan canımdan-candır. Mən hər yerdə qürurla söyləyirəm ki, babam bakılıdır.
Adı Vahiddir.
Özüm 1985-ci ildə İstanbulda doğulmuşam.
Zirvəyə gedən yolda həmişə əzmlə addımlamışam. Özümü tərifləmək kimi çıxmasın, ərsəyə gətirdiyim bütün bəstələr hit olur.
Təşəkkür edirəm Azərbaycanda ilk konsertimi təşkil edən dostlarımıza. Sevinc Ağaşirinovanın insanlığına aşiq oldum. Səsi də çox şirindir. İnşAllah birlikdə maraqlı layihə ərsəyə gətirə bilərik.
Günlərdir doğmalıqla əhatə olunmuşam. Heç istəməzdim istiqanlı insanların yaşadığı şəhərinizdən ayrılım.
Təəssüflər olsun ki, İstanbulda işlərim var. Bu gün axşam komandamla birlikdə Türkiyəyə qayıdacağıq, amma ürəyimiz sizinlədir.
Ən qısa zamanda yenidən görüşəcəyimizə inanıram. Yaşasın Azərbaycan-Türkiyə qardaşlığı".
Şahin Cavadsoy
Simsar.Az