“İslam dini hər birimizin dinidir. Bu dəyəri qorumalıyıq. Lakin təəssüf ki, bəzi radikal qrupların təsiri altına düşürük”.
Simsar.az-ın məlumatına görə, bunu Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı “Milli-mənəvi dəyərlərimiz: tarixilik, varislik və müasirlik” mövzusunda keçirilən treninqdə deyib.
M.Qurbanlı bildirib ki, bu gün sosial iqtisadi inkişafla mənəvi dəyərlər arasında fərqlər yaranıb. “İqtisadi inkişafla müqayisədə milli dəyərlərin öyrənilməsi və təbliğinda mühüm addımlar atılmalıdır. Bu baxımdan hesab edirəm ki, tariximizi öyrənməklə bu problemləri aradan qaldırmalıyıq. Ən əsası isə tariximizi öyrənmək üçün hədəflər seçməliyik. Dünyadakı 50 milyonluq azərbaycanlının hər birinin Şimalı Azərbaycanı öz vətəni kimi hiss etməlidir”.
Komitə sədri qeyd edib ki, heç bir qüvvənin dini dəyərlərimizə müdaxilə etməsinə imkan verməməliyik.
Aysel Kərimova